Një 35-vjeçar është arrestuar nga policia në Fier, pasi ishte shpallur në kërkim për dhunë në familje dhe goditje për shkak të detyrës.
Bëhet fjalë për Daniel Shkrela, i cili u arrestua në kuadër të operacionit të koduar “Waiting”, ndërsa ndaj tij gjykata ka caktuar masën e sigurisë “Arrest me burg”.
Sipas policisë, 35-vjeçari ka ushtruar dhunë ndaj bashkëshortes së tij dhe ka ka goditur me sende të forta një 50-vjeçar.
“Specialistët për Hetimin e Krimeve të Komisariatit të Policisë Fier, në bashkëpunim me Forcën e Posaçme “Shqiponja”, kanë kapur dhe ndaluar shtetasin D. Sh., 35 vjeç, banues në Fier, i cili ishte shpallur në kërkim pasi Gjykata e Shkallës së Parë të Juridiksionit të Përgjithshëm Fier, me vendimet e datave 23.09.2024 dhe 23.12.2024 ka caktuar masën e sigurisë “Arrest me burg”, për veprat penale“Dhuna në familje” dhe “Goditja për shkak të detyrës”.
Ky shtetas ka ushtruar dhunë ndaj ish-bashkëshortes së tij, shtetases N. Sh., si edhe ka goditur me sende të forta shtetasin E. S., 50 vjeç, me detyrë avokat“, thuhet në njoftimin e policisë.
Materialet procedurale i kaluan Prokurorisë Fier, për veprime të mëtejshme.
