Të shtëna me armë zjarri ka patur mbrëmjen e së dielës në Orikum të Vlorës
Sipas raportimeve një person ka mbetur i plagosur dhe është dërguar në spital.
Të shtënat janë dëgjuar pranë një karburanti në Orikum, teksa Qerim Bello, dyshohet se ka qëlluar me armë zjarri në drejtim të 29 vjeçarit Sildi Velaj, i cili është dërguar në spital.
Mësohet se 29-vjeçari u qëllua me armë 10 herë duke marrë plagë në pjesën e kraharorit dhe legenit. Sipas burimeve mediatike i Sildi Velaj ndodhet në gjendje kritike pasi ka hemorragji.
Siç mësohet konflikti mes dy personave ka nisur për motive të dobëta, derisa ka agravuar në përdorimin e armës së zjarrit. Ndërkohë FNSH u nis drejt vendit të ngjarjes, teksa autori është në kërkim.
“Sot, rreth orës 18:40, në ambientet e një karburanti (bar), në Orikum, dyshohet se gjatë një konflikti, për motive të dobëta, shtetasi Q. B. ka plagosur me armë zjarri shtetasin S. V., 29 vjeç, i cili ndodhet në spital, nën kujdesin e mjekëve.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj për kapjen e autorit të dyshuar. Grupi hetimor, nën drejtimin e Prokurorisë, po punon për zbardhjen dhe dokumentimin e plotë të ngjarjes”, njofton policia.
Grupi hetimor po punon për zbardhjen dhe dokumentimin e plotë të ngjarjes.
