Një konflikt mes dy personave është regjistruar natën e kaluar në Delvinë, ku ka degraduar në plagosjen me thikë të njërit prej tyre.
Burime bëjnë me dije se ngjarja ka ndodhur pranë një lokali, ku është plagosur me thikë në brinjë dhe krahë 38-vjeçari Panajot Imeri
Ai është dërguar me urgjencë drejt spitalit të Sarandës, ku ndodhet nën kujdesin e mjekëve, jashtë rrezikut për jetën.
Ndërkohë, autoritetet policore kanë arrestuar pas ngjarjes autorin e dyshuar të krimit. Në pranga ka përfunduar 55-vjeçari Festim Abdi, i njohur ndryshe si “Feçi”, ish biznesmen i lokaleve të natës në Sarandë, person me precedentë të mëparshëm penalë.
Ngjarja dyshohet të ketë ndodhur për motive banale, pasi dy personat kanë qenë duke konsumuar alkool.
