Zonat malore të Shkodrës janë prekur nga moti i keq, i shoqëruar me reshje dëbore dhe rrëshqitje dherash e gurësh, duke shkaktuar dhe bllokim të disa akseve.
Mësohet se rruga Theth-Ndërlysaj është e bllokuar për shkak të rrëshqitjes së një masivi inertesh, rrëshkitje kjo që ka bllokuar edhe kanalin e ujit që furnizon HEC-in në Ndërlysaj.
Bashkia Shkodër po punon për zhbllokimin e këtij aksi rrugor.
Ndërkohë, në aksin Bogë-Theth rruga është e kalueshme dhe po mbahet nën vëzhgim nga firmat kontraktuese.
