Policia e Vlorë ka arrestuar shoferin, i cili shkaktoi aksidentin me vdekje mesditën e djeshme në aksin rrugor “Peshkëpi-Kotë”, ku humbi jetën një i ri.
Në pranga është vënë shtetasi J. K., 80 vjeç, banues në Vlorë, mbi të cilin rëndon akuza për veprën penale “Shkelja e rregullave të qarkullimit rrugor”, me pasojë vdekje.
I moshuari drejtonte automjetin tip “Peugeot” në momentin kur u përplas me motorin tip “Yamaha” që drejtohej nga 22-vjeçari Fatjon Kasaj, banues në Tiranë. Ky i fundi ndërroi jetë në vendin e ngjarjes si pasojë e plagëve të marra.
Materialet procedurale i kaluan Prokurorisë së Vlorës për veprime të mëtejshme
