Një aksident i rëndë automobilistik është regjistruar këtë të dielë në rrugën e lumit të Vlorës.
Nnga informacionet paraprake mësohet se një automjet tip “Peugeot”, me drejtues shtetasin J. K., 80 vjeç, banues në Vlorë është përplasur me një motor tip “Yamaha”.
Si pasojë e aksidentit ka humbur jetën drejtuesi i motorit, rreth 30 vjeç, i cili ende nuk është identifikuar nga autoritetet.
Përplasja ka qenë aq e fortë sa pas askidentit, makina ka përfunduar jashtë rruge, ndërsa motomjeti i bërë “copë copë” në mes të rrugës. Ngjarja ka ndodhur rreth orës 14:47, në afërsi të urës së fshatit Lapardha.
Grupi hetimor ndodhet në vendin e ngjarjes dhe po punon për sqarimin e rrethanave të aksidentit si dhe për identifikimin e drejtuesit të motomjetit që ndërroi jetë.
