Personi që shihni në foton e mëposhtme është 57-vjeçari Azbi Spahiu, efektiv i Policisë Rrugore, i cili pasditen e kësaj të mërkure dyshohet se u hodh nga lartësia e një pallati në kryeqytet.
Ngjarja në rrugën “Kongresi i Manastirit” në zonën e “Xhamllikut”, teksa efektivi i Rrugores dyshohet se është hedhur nga një pallat 11 katësh në këtë zonë.
Burime bëjnë me dije se fillimisht, Azbi Spahiu ka rënë mbi kabllot e internetit, të cilat i kanë ndërprerë shpejtësinë e rënies, dhe më pas ka përfunduar në tokë.
Ai ka mbetur i plagosur rëndë dhe është dërguar me urgjencë në spitalin e Traumës, ku ndodhet në gjendje kritike për jetën.
Policia e Tiranës përmes një komunikate të shkurtër për mediat tha se po punon për sqarimin e plotë të rrethanave të ngjarjes.
