Një rrëshqitje e konsiderueshme dheu ka bllokuar tërësisht pasditen e kësaj të marte aksin rrugor Ura e Dragotit-Këlcyrë, duke shkaktuar vështirësi të mëdha në qarkullim për banorët dhe udhëtarët.
Burime bëjnë me dije se si pasojë e rrëshqitjes së dheut pas reshjeve të dendura të ditëve të fundit, është bërë e pamundur kalimi i mjeteve në të dyja drejtimet..
Ekipi i kontraktit të mirëmbajtjes së aksit rrugor Tepelenë-Përmet ka nërhyrë për të hapur rrugën duke mundësuar hapjen e aksit në një sens dhe duke lejuar kështu rivendosjen e qarkullimit të automjeteve.
Raportohet se po vazhdon monitorimi i situatës dhe puna për pastrimin e plotë të zonës së prekur nga rrëshqitja, me qëllim të rivendosjes së qarkullimit normal në të dyja drejtimet.
