Kryeministri Edi Rama edhe këtë të hënë e ka nisur me një mbledhje më të gjithë drejtuesit politik.
Në takim mësohet se janë kryer disa lëvizje lidhur me angazhimet e socialistëve në fushatat elektorale në vend për zgjedhjet parlamentare të 11 majit.
Burimet të ‘Top Channel’ nga PS bëjnë me dije se Pandeli Majko është caktuar të angazhohet në qytetin e Kavajës. Të njëjtat burime tregojnë se ish-kryeministri socialist do të prezantohet pasditen e sotme në asamblenë e PS Kavajë, një qytet bastion i të djathtës.
Ministri i Brendshëm, Ervin Hoxha do të angazhohet në qarkun e Tiranës gjatë fushatës, konkretisht në njësinë numër 1 në kryeqytet, duke zëvendësuar Eduard Shalsin. Ky i fundit në mbledhjen e kaluar të kryesisë u emërua drejtues politik në qarkun e Kukësit, duke zëvendësuar Pandeli Majkon.
