Presidenti i zgjedhur i SHBA-ve, Donald Trump ka ngritur akuza të reja ndaj zyrtarëve të Kalifornisë për paaftësi në trajtimin e zjarreve vdekjeprurëse që shpërthyen rreth Los Anxhelos.
“Zjarret janë ende të ndezura në Los Anxhelos. Politikanët e paaftë nuk e kanë idenë se si t’i shuajnë ato ,” tha presidenti i zgjedhur i SHBA, në platformën e tij, Truth Social.
“Kjo është një nga fatkeqësitë më të rënda në historinë e vendit tonë. Ata nuk mund të shuajnë zjarret. Çfarë nuk shkon me ta?’ , shton ai.
Shpejtësia dhe intensiteti i zjarreve që kanë shkatërruar Los Anxhelosin kanë testuar infrastrukturën e zjarrfikësve të qytetit dhe kanë ngritur pikëpyetje dhe kritika për gatishmërinë e shtetit.
Rubinetet u thanë në lagjen Pacific Palisades, e cila u shkatërrua nga pesë vatra zjarresh në zonë, ndërsa mungesa e ujit shkaktoi vështirësi të mëdha.
“Mijëra shtëpi të mrekullueshme kanë humbur dhe shumë të tjera së shpejti do të humbasin. Ka vdekje kudo”, tha Trump në postimin e tij.
