Një aksident i rëndë automobilistik është regjistruar mbrëmjen e kësaj të shtune në Berat.
Nga informacionet paraprake mësohet se drejtuesi i një automjeti tip “Mercedes Benz GL” ka humbur kontrollin mbi mjetin dhe për pasojë makina ka marr para mbajtëset metalike të rrugës dhe është përplasur me një shtyllë.
Ngjarja ka ndodhur në qendër të qytetit, në vendin e quajtur “Axhensia”, në hyrje të parkimit nëntokësor dhe fatmirësisht nuk raportohet për persona të lënduar.
Dyshohet se fuoristrada tip “Mercedes Benz GL” të ketë qenë me shpejtësi tej normave të lejuara dhe po qarkullonte me shpejtësi nga ish-merkatoja në drejtim të gjykatës, kur ka rrëshqitur dhe është përplasur me shtyllën.
Pas përplasjes, drejtuesi i mjetit e ka braktisur makinën dhe është larguar nga vendi i ngjarjes.
Policia po punon për zbardhjen e plotë të rrethanave të[ ngjarjes dhe lokalizimin dhe shoqërimin në komisariat të drejtuesit të mjetit, ku mësohet se është identifikuar, por nuk dihet nëse ka qenë ai nën drejtim apo jo.
