Gazetari Klodian Tomorri ka komentuar skandalin e drejtorit të Shkollës së Magjistraturës, Arben Rakipi, ku tha se ngjan me skenëm ‘5D’ të drejorrëve të arrestuar të Bashkisë së Tiranës.
Tomorri tha në Syri TV se që pas skandalit të provimit të studentëve për t’u pranuar në magjistraturë, Rakipi duhej të jepte dorëheqjen.
Më pas gazetari theksoi se njerëzit e drejtësisë e kanë kthyer sistemin në një moçal që tashmë bie erë korrupsioni dhe shkelje të ligjit.
Gazetari theksoi gjithashtu faktin se, ka qenë një plan i mirëmenduar për ta kapur sistemin e drejtësisë në 30-50 vitet e ardhshme, në mënyrë që ta kenë nën kontroll.
“E kanë kthyer aparatin e drejtësisë në një moçal që bie erë, është qelbur. E kanë kthyer në nepotizëm që shkel çdo lloj ligji e norme të një ligji që e kanë bërë vetë. Rakipi u kap me provimin e magjistraturës, një krim që nga larg duket korrupsion i vogël…
Një akademik që kapet në korrupsion, s’ka lidhje me botën akademike. Që me skandalin e magjistraturës duhet të kishte dhënë dorëheqjen. Ata e kanë manipuluar për të bërë atë provim, e kanë detyruar këta njerëz që e kanë vënë aty.
Është projeksion për ta kapur drejtësinë për 30-50 vite, që ta kenë nën kontroll drejtësinë. Pasi plasi ky skandal, Rakipi jo vetëm që s’largohet por zbulohet që bën biznes e bën para, në thelb është 5D, që trafikon influencë.
Unë si njeri kyç në sistem, bëj edhe studio ligjore. Pse në këtë vend s’ka reagim nga institucionet apo njerëzit?! Ky është kapur gafil e duhet të largohet nga detyra një orë e më parë. Kur ndodhin skandale, kishin një këshill, tani diket sikur s’ndodh asgjë, sepse është çimentuar e mbyllur”, tha ai.
Lexo edhe:
