Elton Laska, Sekretar i Përgjithshëm i Lëvizjes “Shqipëria Bëhet”, ka paralajmëruar se në vendin tonë mund të përsëritet sërish viti i mbrapshtë 1997.
Gjatë postimit në rrjetet sociale, Laska thekson se në Shqipëri sektori i ndërtimit është në mëshirë të pastrimit të parave, ndërsa një çifti të ri i duhen 25 vite për të blerë një apartament në kryeqytet.
Laska vijon shkrimin e tij duke theksuar se në vendin tonë qeveria lejon injektimin e parave të injektimin, duke sjellë çmime stratosferike dhe të papërballueshme.
“Ëndrra e shqiptarëve për një shtëpi në mëshirë të pastrimit parave!
25 vite punë i duhet një çifti të ri shqiptar për të blerë një apartament në Tiranë, apo në qytetet e mëdha të vendit, pasi në Shqipëri sektori i ndërtimit është në mëshirë të pastrimit të parave.
Shqiptarët janë të ekspozuar përballë zhvatjes nga shteti, që lejon injektimin e parave të narkotrafikut dhe të korrupsionit në sektorin e ndërtimit, duke bërë që çmimet të jenë në shifra që nuk përkojnë me realitetin ekonomik të shqiptarëve.
Mjafton të shikoni kursin e këmbimit të euros në Shqipëri dhe të bëni një krahasim me vendet e tjera të Ballkanit për të kuptuar se sa shumë varet ekonomia jonë nga paraja e drogës dhe korrupsionit.
Janë zyrtarët e korruptuar të vetmit që përfitojnë nga kjo flluskë më ndërtimet, që kur të shpërthejë do ketë pasoja të ngjashme me ato të vitit 1997”, shkruan Elton Laska.
