Një aksident me pasojë vdekjen ka ndodhur këtë të dielë në aksin rrugor Cërrik-Gramsh.
Mësohet se një makinë tip “Benz” ka përplasur një biçikletë në të cilën lëvizte një 75-vjeçar, i cili për pasojë ka humbur jetën.
“Specialistët e Qarkullimit Rrugor arrestuan në flagrancë shtetasin Q. B., 70 vjeç, banues në Cërrik, për veprën penale “Shkelja e rregullave të qarkullimit rrugor”. Mëngjesin e sotëm, në aksin rrugor “Cërrik-Gramsh”, automjeti tip “Benz” që ai drejtonte është përplasur me biçikletën që lëvizte shtetasi F. B., 75 vjeç, i cili për pasojë ka humbur jetën. Materialet procedurale i kaluan Prokurorisë për veprime të mëtejshme“, njofton policia.
Ndërkohë, drejtuesi i mjetit 70-vjeçar është arrestuar menjëherë nga policia.
