Pasi Apeli i GJKKO caktoi masën e sigurisë “detyrim paraqitje” dy herë në muaj, ekzaktësisht të hënën e parë dhe të tretë të çdo muaji ndaj ish kryeministrit Sali Berisha, Partia Demokratike është mobilizuar që po në këtë datë në orën 09:30 të protestojë para ambienteve të SPAK.
PD ka ftuar mbështetësit që të jenë para SPAK në orën 9:30.
“Te dashur miq. Ditën e Hënë ne ora 9:30 të mobilizojmë të gjithë strukturat e degëve për të protestuar përpara SKAP- it si vegël në duart e Ramës për të përndjekur kundërshtarët politik ..Do jemi aty në mbështetje të së drejtës, të ligjit dhe së vërtetës që është në anën e Kryetarit të PD Prof Dr Sali Berisha… Ne ora 9:30 përpara selisë SKAP-it”, është ky mesazhi që u është dërguar strukturave të PD.
