Një ngjarje e rëndë ka ndodhur një Fier, ku një 34-vjeçare tentoi të hidhej nga ballkoni pas dhunës së ushtruar nga bashkëjetuesi i saj.
Ngjarja ka ndodhur në lagjen “Afrim i Ri”, ku 45-vjeçari me iniciale A. Y., ka ushtruar dhunë ndaj bashkëjetueses së tij dhe e ka kërcënuar atë me mjet prerës.
E frikësuar, 34-vjeçarja ka tentuar të vetëvritet duke u hedhur nga ballkoni.
Ajo ndodhet ndodhet në spital, në kujdesin e mjekëve, jashtë rrezikut për jetën.
“Komisariati i Policisë Fier referoi materialet në Prokurori dhe shpalli në kërkim shtetasin A. Y., 45 vjeç, banues në lagjen “Afrim i Ri”, Fier, pasi dyshohet se ka ushtruar dhunë ndaj bashkëjetueses së tij dhe e ka kërcënuar atë me mjet prerës, e cila nga frika ka tentuar të vetëvritet duke u hedhur nga ballkoni. 34-vjeçarja ndodhet në spital, në kujdesin e mjekëve, jashtë rrezikut për jetën”, thuhet në njoftimin e policisë.
