Pasditen e djeshme Teuta ka zhvilluar seancën e dytë stërvitore për ditën e premte. Stërvitja e dytë e ditës më shumë ka pasur si fokus lojën me top, ndërsa trajneri Martini është fokusuar edhe te taktika. Grupi ka qenë thuajse i plotë, ku s’ka pasur mungesa.
Në prolog të stërvitjes, trajneri u foli futbollistëve për programin stërvitor. Ai insistoi se Teuta ka një grup kompetitiv dhe me pak më tepër impenjim mund të arrijnë gjëra të mëdha në këtë fushatë. Ekipi u stërvit normalisht dhe i gjithë grupi është në gjendje optimale.
Megjithatë te Teuta priten disa ndryshime në radhët e grupit të lojtarëve. Mësohet se drejtuesit e klubit aktualisht po punojnë për përzgjedhjen e disa lojtarëve cilësorë që do të jenë pjesë e Teutës, për gjysmën e sezonit.
Gjithsesi, baza e ekipit pritet të jetë pak a shumë e njëjta, me disa përforcime në tri repartet: mbrojtje, mesfushë dhe sulm. Në ditët në vazhdim, lojtarë të rinj pritën t’i bashkohen Teutës deri në përfundim të merkatos.
