Gazetari Klodian Tomorri foli ka komentuar mbylljen e hetimeve për dosjen ndaj ish-drejtorëve të Bashkisë Tiranë. Ai tha se gjykata e ka kthyer dosjen 5D për shkak të hetimeve të cekëta.
Gjithashtu Tomorri tha se vullneti dhe dëshira e SPAK që ajo dosje të ketë hetime të cekëta ka qenë që në fillim.
“Gjykata e ka kthyer njëherë dosjen 5D për shkak të hetimeve të cekëta, sepse ishte gjykata që i tha SPAK-ut unë hetoj për grup kriminal, sepse gjykata e ka bërë njëherë punën e vet. Vullneti apo dëshira e SPAK për të mos u thelluar te ajo dosje ka qenë që në fillim. Nuk e di nëse gjykata do vazhdoj të thotë akoma plotëso hetimet, sepse dyshimet në këtë rast janë të forta. Ne kemi parë publikisht një tentativë për të vjedhur disa para publike në rrugën ‘Gjon Delushi’. Skema ishte që bashkia shpall tender ndërkohë që rruga ishte bërë nga vetë punonjësit e bashkisë. Punonjësit privat do të merrnin lekë pa bërë asnjë punë. Ne kemi dyshim që kjo gjë mund të ketë ndodhur edhe herë të tjera dhe padyshim hetimi i SPAK-ut duhet të ezauronte këtë gjë. Duhet t’i thoshte qytetarëve deri ku ka shkuar abuzimi i tyre dhe kush janë të përfshirë.” – tha Tomorri.
