Pasi kryebashkiaku i Tiranës Erion Veliaj dëshmoi për mbi 5 orë në Prokurorinë e Posaçme, ish-ambasadori Agim Nesho, tha se SPAK po përdor dy standarde. Ai u shpreh se kemi të bëjmë me një organizatë që po i shërben regjimit të Edi Ramës.
“SPAK është në funksion për të ruajtur figurën e Edi Ramës”, tha Nesho.
Ai tha se SPAK nuk mund të tregojë se është i barazlarguar nga të dyja palët, duke thirrur në të njëjtën ditë, si Erion Veliajn dhe Belind Këlliçin.
“Po persekutohet një ish-President Republike, tërhiqet zvarrë kur arrestohet, ndërsa në të njëjtën kohë arrestohet edhe një deputet i PS-së, i cili del se është caktuar nga grupet kriminale. Por janë dy çështje krejt të ndryshme, që s’mund të vendosen shenja barazimi”, tha Nesho.
