Aktualisht po zhvillohet një mbledhje e Këshillit të Ministrave të Republikës së Shqipërisë.
Burime për mediat bëjnë me dije se kjo mbledhje e Qeverisë është jashtë radhës, për të bërë ndryshime në buxhet.
Po ashtu mësohet se mbledhja po zhvillohet për aktin normativ për shpërblimin e pensionistëve në pranverë.
Ndërkohë nuk ka informacione nëse mbledhja e Qeverisë po drejtohet nga kryeministri Edi Rama apo nga zëvendës-kryeministrja Belinda Balluku.
Kujtojmë se Qeveria veç bonusit të Vitit të Ri për pensionistët, ka parashikuar edhe një tjetër bonus për pensionistët në pranverë, para zgjedhjeve parlamentare të 11 majit 2025, duke u konsideruar nga opozita si një manovër elektorale për të mbledhur vota.
