Gazetari Armand Shkullaku është përplasur me kolegun e tij, Baton Haxhiu në lidhje me inceneratorët e Elbasanit, Fierit dhe atij që nuk ekziston në Tiranë.
Sipas Shkullakut, këto inceneratorë janë ideuar dhe krijuar nga Edi Rama. Ai shprehet se deputetët e PS tek inceneratori i Elbasanit, nuk i çoi Veliaj, por Edi Rama.
“Ne që jemi këtu, e dimë shumë mirë që ata deputetët e PS tek inceneratori i Elbasanit, nuk i çoi Veliaj, por Edi Rama. Ne e dinim që në fillim se edhe Elbasani, Fieri dhe Tirana ishin një aferë korruptive.
Pra, e gjithë kjo histori të përfundojë se inceneratorët i ka bërë Alqi Bllako, se merrte rrogë babi i vet, apo Lefter Koka se çuni i vet mori ca fatura nga inceneratorët, i ka bërë Ben Ahmetaj se gratë e veta kishin blerë shtëpi, këtë nuk ka budalla ta besojë, pavarësisht se e thotë Dumani apo shejtani.
Nuk ka njeri me mend në kokë, që nuk e di se ajo vepër nga fillimi në fund është iniciativë e njeriut më të pushtetshëm në Shqipëri, e Edi Ramës.
I thonë mos firmos se nuk është i regjistruar, firmos. Në 2018.
I thonë dëshmo në komisionin hetimor, i thotë Fier dhe Elbasan që ja ke dhënë Klod Zotos, ja dhe edhe Tiranën atyre. Të ju vijë zor thotë, aty është kompania e famshme Paul Wurth, që po e bën, e mos përmendi emra të biznesmenëve të nderuar se është shumë turp.
Aty as Paul Wurth, e as ndonjë Pol tjetër.
Ai është mashtrim publik në komision me qëllim”, tha Armand Shkullaku në “Çim Peka Live” në SYRI TV.
