Autoritetet italiane kanë vënë në pranga një 30-vjeçar shqiptar.
Mësohet se arrestimi i tij ka ardhur pasi i riu shqiptar shpërndante lëndë narkotike në zonën e Maceratas. Më tej bëhet me dije se hetimet po vijojnë për grupin që operon në rajon, një pjesë e të cilës u godit gjatë kësaj jave, me disa arrestime dhe sekuestrime të lëndëve narkotike kokainë dhe marijuanë.
Autoritetet vendore që prej 11 dhjetorit kanë nisur me operacione antidroge ndërsa shqiptari i arrestuar akuzohet për veprën penale të trafikut të drogës. I riu është identifikuar me inicialet Q.F. Më tej bëhet me dije se ai u dënua me një vit e tre muaj burgim, në Gjykatën e Maceratës, të kthyer në gjykim të shkurtuar si dënim me kusht dhe më tej lirimin. Pas marrëveshjes shqiptari është vënë në dispozicion të autoriteteve të Zyrës së Emigracionit, e cila verifikoi situatën në lidhje me rregullsinë e qëndrimit.
Pasi u vërtetua se ai kishte hyrë në Itali për arsye turistike, autorizimi për qëndrim deri në 90 ditë u hoq pas dënimit për drogë dhe njoftimit të njëkohshëm të dekretit të dëbimit të lëshuar nga Prefekti i Maceratës, me shoqërimin në kufi dhe më pas dëbim.
