Është qartësuar përfundimisht e ardhmja e Kvicha Kvaratskhelias.
Sipas Sportmediaset, është arritur marrëveshja për rinovimin e kontratës teksa një akord total u arrit javën e kaluar në Romë.
Detajet e kontratës së re: paga prej 6 milionë eurosh në sezon, përfshirë bonuset, dhe një klauzolë prej 80 milionë eurosh, e cila qëndron në mes të kërkesës prej 100 milionë të Napolit dhe asaj prej 60 milionë të përfaqësuesve të lojtarit.
Firma pritet të hidhet deri në fund të dhjetorit. Saga ka përfunduar, pas disa takimeve dhe diskutimeve; më në fund, është arritur marrëveshja: Kvaratskhelia është gati të rinovojë me Napolin deri në vitin 2029.
Në këtë moment, lojtari është i përqendruar vetëm në rikuperimin nga dëmtimi në ligamentin medial të gjurit të djathtë, të pësuar kundër Lazios.
Kvara nuk do të jetë i pranishëm në “Dacia Arena” ndaj Udineses.
Gjendja e tij do të vlerësohet javën e ardhshme, dhe rikuperimi për ndeshjen ndaj Genoas duket i vështirë (por jo i pamundur).
