Kreu i Partisë Demokratike, Sali Berisha ka deklaruar arsyen përse u rikthye në politikën aktive.
Gjatë intervistës në Opinion, Berisha deklaroi se në momentin kur po bëhej gati të dorëzonte mandatin e deputetit, u shpall vendimi për ta sanksionuar “non grata”.
“Para sanksionit “non grata”. Unë po bëhesha gati të dorëzoja mandatin e deputetin me vullnet të plotë. Pasi bëra një fushatë 1 vjetore për të bindur shqiptarët që të votojnë Bashën unë kam bërë këtë debat dhe nuk dëshiroja të kandidoja për deputet por meqenëse influenca ime mund të na dëmtonte PD zgjodha tw kandidoja vetëm për këtë qëllim. Madje Basha më kërkoi të coj në Shkodër. Më con në Shkodër dhe i them jo”, tha Berisha.
