Janë zbardhur detaje të reja nga kontrolli i ushtruar mëngjesin e kësaj të premte nga oficerët e BKH-së me urdhër të SPAK në banesën e kryebashkiakut të Tiranës, Erion Veliaj.
Burime bëjnë me dije se kontrolli është ushtruar me vendim gjykate, i firmosur nga prokurori i SPAK, Ols Dado. Gjatë kontrollit, oficerët e BKH-së kanë sekuestruar telefonin e Ajola Xoxës, bashkëshortes së Erion Veliajt.
Mësohet se kontrolli në banesën e Veliajt është ushtruar në kuadër të procedimit penal të hetimit pasuror ndaj tij, të filluar që prej mujit Maj të këtij viti.
Më herët SPAK ka kërkuar t’i vendoset në dispozicion çdo veprim bankar dhe çdo transaksion financiar nga kryebashkiaku, bashkëshortja e tij Ajola Xoxa, i vëllai Arbër Veliaj dhe nëna Shqiponjë Veliaj.
Ndërkohë që agjentëte BKH-së kanë shkuar në banesën e Erion Veliajt, mësohet se kryebashkiaku nuk ndodhet aty, pasi është në një vizitë dy ditore në Hamburg të Gjermanisë.
