Të gjitha arsyet përse Siria është një pikë e nxehtë gjeopolitike, me rëndësi të jashtëzakonshme
Lufta Civile Siriane nuk është thjesht një konflikt midis qeverisë së Asadit dhe kundërshtarëve të saj. Siria është bërë praktikisht një fushë beteje ndërkombëtare – ku përfshihen SHBA, Turqia, Rusia, Irani, Katari, Izraeli dhe aktorë të tjerë rajonalë.
Siria është pjesë e Boshtit të Rezistencës të udhëhequr nga Irani, një qendër logjistike e rëndësisë parësore, për furnizimin e Hezbollahut në Liban. Një mbështetëse e gjatë e kauzës palestineze dhe një mburojë kundër zgjerimit të ndikimit politik të Izraelit në Lindjen e Mesme.
Kjo e vendos Sirinë në ballë të Luftës së Ftohtë gjeopolitike, midis aleancës SHBA-Izrael dhe Iranit. Nëse SHBA dhe Izraeli ia dalin të rrëzojnë Assadin, lëvizja e tyre e radhës logjike do të ishte rrethimi dhe mbytja e Hezbollahut. Irani nuk mund të lejojë që kjo të ndodhë.
Siria ka gjithashtu një rëndësi parësore për praninë e Rusisë në Lindjen e Mesme, duke qenë se aty ndodhet baza detare Taurus dhe baza ajrore Khmeimim. Rusia gjithashtu ka interes për shtypjen e grupeve xhihadiste në Siri. Shumë nga këta militantë vijnë nga Azia Qendrore dhe Kaukazi.
Turqia dhe Katari kanë qenë dy mbështetësit më të fortë të militantëve/terroristëve anti-Asad, duke përfshirë Ushtrinë Kombëtare Siriane dhe Hay’at Tahrir al-Sham. Të dy vendet kërkojnë të zgjerojnë ndikimin e tyre në rajon, duke ndihmuar grupet e lidhura me Vëllazërinë Myslimane që të marrin pushtetin.
Turqia kërkon gjithashtu të kufizojë fuqinë e grupeve të armatosura kurde, të tilla si Forcat Demokratike Siriane (SDF) dhe Njësitë e Mbrojtjes Popullore (YPG). Turqia ka një pakicë të konsiderueshme kurde, të cilët janë rebeluar kundër shtetit turk në shumë raste.
Ka edhe një aspekt ekonomik, Lufta Civile Siriane. Siç tregon harta më poshtë, Rusi-Iran dhe Katar-Turqi kanë projekte konkurruese të tubacioneve të naftës në Siri.
