Kanë mjaftuar vetëm dy ditë shi për të “zhytur” në errësirë totale qarkun e Shkodrës.
Jo vetëm mungesa e energjisë elektrike por disa akse në Shkodër janë bllokuar për shkak të rrëshqitjeve të gurëve.
Sipas Emergjencave Civile, probleme me energjinë ka në njësinë administrative Shosh dhe Shalë. Mungesë energjie ka po ashtu në njësinë administrative Hajmel të Vaut të Dejës dhe në Iballë të Fushë Arrëzit. Nga Bashkia Puke, ka ndërprerje te energjisë ne fshatin Kuzhnen.
Gjithashtu bëhet me dije se aksi rrugor Prekal- Kir është i bllokuar. Rënia e gurëve ka bllokuar po ashtu edhe aksin rrugor Muriq-Nikç.
