Shteti grek i ka vendosur kushte Shqipërisë në këmbim të mbështetjes së tyre në rrugën drejt integrimit në Bashkimin Europian.
Ka qenë kryeministri grek, Kyriakos Mitsotakis i cili gjatë një interviste për median kombëtare, ka thënë se respektimi i të drejtave të pakicave greke si dhe zgjidhja e çështjeve të pronave në jug të vendit në Shqipëri, përbëjnë kushtin themelor që vendi të marrë mbështjen e Greqisë për në Bashkimin Europian.
“Shqipëria ka nisur rrugën e gjatë për t’u anëtarësuar në Bashkimin Evropian në një moment të caktuar. Dhe duhet t’ju them se Greqia ka çdo arsye ta mbështesë Shqipërinë në këtë përpjekje, me një kusht themelor, që të respektojë plotësisht të drejtat e pakicës kombëtare greke. Kemi çështje pronësie, çështje që kanë të bëjnë me vetëpërcaktimin dhe regjistrimin, dhe duhet t’ju them që Shqipëria tani është angazhuar për zgjidhjen e këtyre çështjeve.”
Sipas kreut të shtetit helen, Greqia ka në dorë vijueshmërinë e Shqipërisë drejt integrimit në BE, teksa thotë se ky proçes përcatohet në masë të madhe nga vendi i tij.
“Greqia ka sot një forcë të fortë negociuese. Nëse Shqipëria do të dëshirojë të ecë përpara, që unë besoj se do të dëshirojë të ecë përpara, atëherë ajo duhet ta zgjidhë në mënyrë përfundimtare çështjen që ka të bëjë me pakicën. Në thelb, progresi i Shqipërisë drejt Evropës përcaktohet në masë të madhe nga vendi ynë”, deklaroi Mitsotakis.
Për rastin e Fredi Belerit, Mitsotakis tha se marrëdhëniet me Shqipërinë kanë përjetuar trazira dhe se Beleri është eurodeputet i zgjedhur dhe se përfaqëson të drejtat e pakicës në BE.
