Lëkundje të forta sizmike janë regjistruar pak pas mesnatës së kaluar në rajonin e Cesenza-s në Itali.
Tërmeti ka qenë i fuqishëm dhe ka zgjatur për disa sekonda duke shkaktuar panik te banorët e zonës, një pjesë e të cilëve e kaluan natën jashtë.
Sipas Qendrës Sizmiologjike Europiane-Mesdhetare, tërmeti ka qenë me magnitudë 4.2 e shkallës Rihter, teksa epiqendra e tij ka qenë 14 km në juglindje të qytetit të Cosenzas dhe me një thellësi fokale prej 20 km.
Tërmeti është regjistruar rreth orë 00:54, teksa është pasuar më vonë edhe me disa lëkundje sizmike të tjera, por me magnitudë më të vogël.
Paraprakisht nuk raportohen të lënduar apo dëme, teksa vijojnë verifikimet nga autoritetet lokale në terren.
