Një aksident automobilistik është regjistruar mëngjesin e sotëm në aksin rrugor Korçë-Pogradec, pranë fshatit Grabovicë të qytetit liqenor.
Siç shihet edhe në fotot e mëposhtme, tre automjete janë përplasur me njëra-tjetrën, duke shkaktuar dëme të konsiderueshme materiale.
Shkak i aksidentit dyshohet të ketë qenë lagështira në rrugë dhe shpejtësia me të cilën po lëviznin mjetet bazuar në kushtet atmosferike.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
