Autoritetet policore greke kanë arrestuar dy shqiptare me një sasi droge në automjetin e tyre. Dy shqiptaret janë kapur nga uniformat blu në qytetin e Kozanit, teksa kanë qenë duke e transportuar drogën nga Shqipëria drejt Greqisë.
Mediat fqinje raportojnë se pas ndjekjes së mjetit qe vinte nga kufiri greko-shqiptar, policia ka sekuestruar brenda tij 2 çanta që përmbanin 5 pako me 30 kg e 50 gram marijuanë.
Në prangat e policisë greke ranë drejtuesja e mjetit 25 vjeçe dhe pasagjerja 54 vjeçe, të dyja shqiptare. Atyre i’u sekuestruan edhe 4 celularë, 110 euro dhe 1200 lekë shqiptare.
