Moti i keq me rrebeshe shiu dhe erë të fortë ka shkaktuar problematika ditën e sotme në të gjithë vendin me përmbytje rrugësh, ndërprerje të energjisë elektrike, rrëzime pemësh, si dhe dëmtime çatish të banesave.
Ndërkohë, mësohet se në aksin Elbasan-Librazh ka patur dhe rrëshqitje të shumta gurësh dhe dherash në rrugë nga shpatet e maleve.
Siç shihet edhe në videon e mëposhtme gurët e mëdhenj janë përhapur në rrugë, duke u bërë një rrezik për automjetet që kalojnë në këtë aks, duke theksuar dhe faktin e errësirës.
Ndërkohë, deri më tani mungon reagimi i autoriteteve për të pastruar këtë aks rrugor.
