Ka nisur protesta e paralajmëruar pas vrasjes të 14-vjeçarit Martin Canit nga bashkëmoshatari i tij pranë shkollës “Fan Noli” në Tiranë.
Prindër të nxënësve e qytetarë janë mbledhur në një protestë pranë shkollës ku me lot në sy kanë shprehur indinjatën e tyre lidhur me ngjarjen.
Një nga të pranishmet u shpreh se shteti duhet të marrë masa për këtë ngjarje duke kërkuar dënim të rëndë për autorët.
Me pankarta në duar “Martin Cani një fëmijë më pak, një dështim më shumë”, “Pse bën sikur jeton në një vend normal”, “Heshtja jonë po na vret fëmijët. Sa viktima duhen që ne të ngremë zërin? Martin, të kemi vrarë të gjithë nga pak”, qytetarët kanë kërkuar drejtësi për të miturin dhe siguri nga autoritetet në shkolla dhe në vend.
