Zbardhen detaje të reja nga hetimi i SPAK që goditi një grup të strukutuar kriminal që trafikonte drogë nga Amerika Latine drejt Shqipërisë me destinacion final vendet e Bashkimit Europian.
U bë me dije se laboratori në fshatin Qereke të Fushë Krujës ku do të bëhej përpunimi i sasive të mëdha të kokainës të tretur në lëkurë bagëtish, ishte ngritur prej disa muajsh.
Vendi për ngritjen e laboratorit, sipas Prokurorisë ishte zgjedhur me shumë kujdes, jo vetëm sepse është një pikë strategjike, afër aeroportit ndërkombëtar Nënë Tereza dhe Portit të Durrësit dhe lehtësonte trasportin, por edhe sepse për shkak të fluturimeve zona nuk monitorohej me dron.
Shtëpia-laborator është mbajtur nën vëzhgim nga hetuesit.
Ngarkesa e parë me lëkurë bagëtish ka mbërritur në vendin tonë në muajin shtator. Por për shkak se nga përgjimet rezultonte se ngarkesa e dytë pritej të mbërrintë në nëntor, SPAK ka pritur derisa kjo ka ndodhur.
Vetëm në momentin kur ekspertët kimistë 1 nga Venezuela dhe dy nga kolumbia kanë nisur punën në laborator për veçimin e kokainës, është ndërhyrë.
Gjatë aksionit prokuroria arrestoi 10 persona, 7 prej të cilëve shqiptarë dhe 3 të huaj.
Një pjesë e të dyshuarve u prangosën teksa drekonin në një lokal në Vishnje, ndërsa një tjetër në një vilë luksoze në zonën e Kodrës së Diellit 2.
Hetimet për goditjen e këtij grupi zgjatën më shumë se 1 vit e gjysmë, ndërsa mendohet se struktura e grupit është re mirëoganizuar dhe me role të mirëpërcaktuara.
Detaje të reja janë mësuar nga aksioni SPAK që goditi një grup të strukturuar kriminal që trafikonte drogë nga Amerika Latine drejt Shqipërisë me destinacion final vendet e Bashkimit Europian.
- Kush janë 4 shqiptarët “kokat” e grupit kriminal
U raportua se laboratori në fshatin Qereke të Fushë Krujës ku do të bëhej përpunimi i sasive të mëdha të kokainës të tretur në lëkurë bagëtish ishte ngritur prej disa muajsh, ndërsa katërshja Geis Sejfullai, Klajd Birçe, Artion Çaushllari dhe Endi Sejdini ishin personat që organizonin dhe financonin të gjithë skemën e trafikut të drogës.
Grupi kishte hierarkinë e saj. Rolet kryesore luheshin nga Geis Fejsullai, emri i të cilit lidhet me vilën te rezidenca Kodra e Diellit, të cilën SPAK dyshon se e kishte marrë me qira, por ende po vijojnë hetimet për këtë pikë.
Rolet kryesore më pas vijonin Klajdi Birçe, Artion Çaushllari dhe Endi Sejdini. Pjesa tjetër e grupit si Aldi Zonja, Ismail Abdurrahmanaj e Baki Huqi, kishin role dytësore në shërbim të aktivitetit kriminal.
- Një pjesë e kokainës besohet se ka ardhur nga Brazili.
Kokaina vinte në vendin tonë e fshehur në lëkurën e gjedhit, një mënyrë kjo e përdorur nga ky grup për ta kamufluar dhe për t’i shpëtuar kontrolleve me qen antidrogë për shkak të erës së rëndë të lëkurës së bagëtive. Ky është një ndër të pakta operacione të udhëhequra nga SPAK, përmes të cilit janë ekzkeutuar të gjitha urdhërarrestet e lëshuara nga GJKKO, duke lënë zero hapësira për dekonspirim. 10 urdhër arrestet u ekzekutuan në operacionin e 15 tetorit duke çuar në pranga 7 shqiptarë dhe 3 të huaj, 2 venezuelian dhe 1 kolumbian.
Në laboratorin e përpunimit të kokainës në Qerekë, autoritetet gjetën 850 lëkurë të kriposur bagëtish, 48 ton, ku SPAK thotë se fshihet kokainë e importuar nga Amerika Latine në shtator dhe nëntor të vitit 2024. Në këtë pikë hynë në lojë të huajt nga Venezuela dhe kolumbianët, ekspertë që garantonin sukses për të nxjerrë kokainën nga materialet organike.
SPAK thotë se zgjedhje e laboratorit në fshatin Qerekë, nuk është e rastësishme. Pozicionuar pranë aeroportit të Rinasit, agjencitë ligjzbatuese e kanë të vështirë monitorimin nga ajri, pasi për shkak të fluturimeve zona nuk monitorohej me dron. Por nga ana tjetër, bashkë me bazën në Durrës, të lokalizuar pranë Portit të qytetit bregdetar, grupi i trafikantëve e kishte më të lehtë dhe të shpejtë transportonin e drogës dhe përzierësve kimikë përmes aeroportit dhe Portit.
Gjatë operacionit u sekuestruan edhe 6.1 kg kokainë, 89 kg përzierës të ngurtë, 50 kg solucion të lëngshëm për përgatitjen e kokainës dhe mbi 51 mijë euro.
Plot 22 celularë janë në duart e SPAK që përmes hetuesve të BKH-së pritet të zbulojë më shumë mbi komunikimet e këtij rrjeti kriminal të trafikut ndërkombëtar të drogës, 2 laptopë, 7 karta banke dhe 17 karta SIM, ndërsa 3 automjete u sekuestruan bashkë me dokumente të tjera të rëndësishme.
Personat e arrestuar:
Geis Fejsullai 42 vjeç, banues në Tiranë
Klajdi Birçe, 40 vjeç, banues në Tiranë
Artion Caushllari, 37 vjeç, banues në Tiranë
Endi Sejdini 25 vjeç, banues në Krujë
Aldi Zonja 37 vjeç, banues në Tiranë
Ismail Abdurrahmani, 51 vjeç, banues në Shkodër
Baki Huqi, 57 vjeç, banues në Durrës
Shtetas të huaj:
Hiwlen Ledezma Narvaez 41 vjeç, shtetas kolumbian
Joze Ramon Zacarias Vasquez 35 vjeç, shtetas venezuelian
Samuel Alfonso Moreno Serrano 42 vjeç, shtetas venezuelian
Ndërsa nesër në orën 9:30 do të caktohen masat e arrestit nga GJKKO.
