Komisioni për Sterilizmin dhe Check rinisi sërish me debate, pas një pushimi për rreth 1 orë e gjysmë.
Kryetarja e Komisionit Albana Vokshi tha se gjatë pushimit Ilir Beqaj zhvilloi takime personale me deputetë të mazhorancës, ndërsa tha se ai futi në Kuvend materiale të forta. Sipas Vokshit kjo është diçka e paprecedent.
Teksa e cilësoi rastin e ish-ministrit skandaloz, Vokshi tha se si mundet që garda të mos kontrollojë Ilir Beqajn, ndërsa ajo vetë dhe deputetet e opozitës i janë nënshtruar kontrolleve të gardës edhe për një parfum.
“Mua nuk më lejohet të sjell parfum me vete më kontrollohet çanta, ndërsa Beqaj hyn me kutinë e zezë të metalizuar në sallë, di unë çfarë kishte brenda?
Kjo është skandaloze. Ju bëj thirrje ndaluni. Ai është një shtetas i thirrur për të dëshmuar dhe duhet të respektohen procedurat që u respektuan edhe për të gjithë dëshmitarët e tjerë.
Po teprohet. Kam gjetur një sallë të mbushur me Beqajn që shëtiste dhe avokatin që përdorte të gjitha mjetet që janë në dispozicion.
U kthye komisioni si stallë”, tha Vokshi.
