Tre adoleshentë janë konfliktuar këtë të martë në afërsitë gjimnazit “Raqi Qirinxhi” me një 16-vjeçar, në lagjen 10 të qytetit të Korçës.
16-vjeçari është dhunuar dhe më pas është qëlluar me thikë nga 3 personat e tjerë. Ai ndodhet në spitalin e Korçës për të marrë ndihmën mjekësore.
Konflikti ka nisur fillimisht verbal e më pas është agravuar deri në dhunë fizike mes tyre.
Policia po punon për kapjen e autorëve të dyshuar, të cilët dyshohet se janë larguar me automjet.
“Rreth orës 13:20, në lagjen nr. 10, dyshohet se gjatë një konflikti të çastit, shtetasi R. Ç., 21 vjeç dhe 2 shtetas ende të paidentifikuar kanë goditur me mjet prerës (thikë) dhe me përforcues grushti, një shtetas 16 vjeç.
16-vjeçari po merr mjekim në spital dhe është jashtë rrezikut për jetën.
Shërbimet e Policisë po punojnë për kapjen e autorëve të dyshuar, të cilët dyshohet se janë larguar me automjet.”- njofton policia.
Grupi hetimor vijon punën për identifikimin e 2 shtetasve të tjerë të përfshirë në konflikt dhe për sqarimin e rrethanave të konfliktit.
