Kryetari i Lëvizjes Bashkë, Arlind Qori ka komentuar sjelljen e ish-ministrit Ilir Beqaj, sot në Komisionin Hetimor për Sterilizimin.
I ftuar në News24, ai u shpreh se këta njerëz që akuzohen për korrupsion, janë arrogantë në raport me publikun.
“Jo vetëm Ilir Beqaj, por edhe shumë njerëz të tjerë shfaqin një lloj arrogance, në vend që të hyjnë kokëulur për atë që kanë bërë, sillen me arrogancë. Janë njerëz që kanë bërë shumë dëm.
Beqaj është i arrestuar për korrupsion, dhe kërkon power point, mund të kërkonte edhe një gotë raki, nuk e di, duhej të kishte një seriozitet”, deklaroi ai.
