Kjo është një mbrëmje që vlen për kreun dhe ndoshta në të ardhmen për titullin, pavarësisht se De Laurentis kërkon që ta mbajë skuadrën e tij me këmbë në tokë.
Zikaltrit janë në vendin e dytë vetëm 1 pikë larg vendit të parë dhe duan parakalimin, ndërsa Napoli do të kërkojë të ruajë vendin e parë dhe pse jo të thellojë diferencën nga +1 në +4 pikë. Për skuadrën e Simone Inzagit do të jetë një shans i madh për të marrë kreun e klasifikimit të Serisë A, diçka që nuk ndodh që nga 26 maji i këtij viti, kur ishte java e fundit e Serisë A, ku zikaltrit triumfuan me yllin e dytë në fanellë.
Ditën e nesërme do të kenë kaluar 168 ditë, 5 muaj e gjysmë që zikaltrit nuk janë në krye të vetëm. Kanë qenë vetëm 1 herë në këtë sezon, por me pikë të barabarta me Juventusin, Udinezen dhe Torinon. Nga ai moment dhe deri tani ka pasur rezultate të paparashikueshme si barazimi me Monzën dhe dy befasi si humbja me Milanin dhe 4-4 me Juventusin. Por nga ajo javë, zikaltrit kanë nisur që të marrin rezultate pozitive.
