Departamenti Amerikan i Drejtësisë njoftoi këtë të premte se ka ngritur akuza ndaj tre personave të lidhur me Iranin që kishin komplotuar për të vrarë Donald Trump para zgjedhjeve presidenciale.
Bëhet fjalë për një komplot të dyshuar të urdhëruar nga Korpusi elitar i Gardës Revolucionare të Iranit, që i kërkuan në Shtator një prej personave të akuzuar të fokusohej në vëzhgimin dhe vrasjen e Trump. Raportohet se sot i akuzuari kryesor është i lirë në Iran
Departamenti tha se shtetasi iranian Farhad Shakeri kishte informuar “autoritetet ligjzbatuese se ai ishte ngarkuar më 7 tetor 2024, me detyrën për të përgatitur një plan për të vrarë” Donald Trump. Shakeri dyshohet se u tha organeve të zbatimit të ligjit se nuk kishte plane për të formuluar një plan për të vrarë Trump brenda afatit kohor të Gardës Revolucionare të Iranit.
Departamenti e përshkroi Shakerin, 51 vjeç, si një aset të Gardës Revolucionare e banim në Teheran. Sipas Departamentit, Shakeri emigroi në SHBA si fëmijë dhe u deportua rreth vitit 2008 pas një dënimi për grabitje. Shakeri është i lirë dhe besohet të jetë në Iran, thanë prokurorët.
Dy banorë të Nju Jorkut, të cilët Shakeri i kishte takuar në burg, Carlisle Rivera dhe Jonathan Loadholt, janë akuzuar gjithashtu për ndihmën e Shakerit për të vrarë një shtetas amerikan me origjinë iraniane në Nju Jork, i përshkruar si një kritik i hapur i qeverisë iraniane, i cili më parë ishte shënjestruar për vrasje.
Prokurorët nuk e identifikuan objektivin, por dyshohet se ajo është Masih Alinejad, një gazetare dhe aktiviste që ka kritikuar ligjet e Iranit për mbulimin e kokës për gratë. Katër iranianë u akuzuan në vitin 2021 në lidhje me një komplot për ta rrëmbyer atë, dhe në vitin 2022 një burrë u arrestua me pushkë jashtë shtëpisë së saj.
