Bekim Balaj po spikat te Vllaznia për sezonin e dytë radhazi me golat e tij. Pasi në të kaluar fitoi “Këpucën e Artë” dhe në aktualin kryeson renditjen pas 12 javësh.
Sulmuesi i kuqebluve ka folur së fundmi në emisionin “Sport News”, duke iu përgjighur pyetjeve në lidhje me sezonin dhe pritshmëritë e Vllaznisë.
Sipas ish-sulmuesit të Kombëtares, titulli është diçka që pritet së fundmi në Shkodër por nga ana tjetër thekson se për këtë është ende herët dhe se sezoni është i gjatë.
Vllaznia për titull kampion? Është herët për të folur, ky diskutim bëhet gjithmonë në Shkodër. Është herët, ne duhet të jemi të qetë, t’i marrim ndeshjet me radhë. Me këtë formulë të kampionatit, çdo gjë luftohet në fund pastaj.
Ne duhet të marrim maksimumin nga 36 javë. Rëndësi ka që ekipi të shkojë në rritje dhe të vijojmë me ritme të kënaqshme.
Rivali i Vllaznisë – Herët për të folur për një rival, tabela i tregon disa gjëra. Jemi aty katër ekipe, me Elbasanin që është afër dhe po lufton, Tirana ka luhatjet e veta. Mendoj se këto janë skuadrat që do luftojnë për katërshën pastaj.
Objektivi i Balajt – Nuk dua të flas për objektivat personal. Ne sulmuesve na masin me gol, por rëndësi ka që të jap më të mirën dhe të ndihmoj ekipin në të gjitha aspektet. Shpresoj që të shënoj sa më shumë dhe të ndihmoj ekipin.
Sfida kundër Egnatias – Egnatia është ekip serioz, është ekipi që fitoi kupën dhe kampionatin. Do jetë ndeshje e luftuar, dëshira është e madhe që ta fitojmë. Le t’ia lejmë fushës së lojës. Shpresoj që të bëjmë ndeshje të mirë.
