Fadil Brahimaj, një qytetar nga Durrësi, tregon për emisionin “Stop” se është divorcuar në vitin 2008. Nga martesa e parë ka tre fëmijë të cilët nuk i takon prej gati 20 vjetësh. Fadili ka nisur një jetë të re, por problematika që shoqëroi divorcin nuk po e lë të jetojë në paqe.
Kur gjykata zgjidhi martesën vendosi që katin e parë të ndërtesës dykatëshe ta përdorë Fadili, të dytin gruaja dhe fëmijët derisa të zgjidhej çështja e pronësisë. Fadili ka aplikuar për legalizim në vitin 2006.
Por pas shumë vitesh, ish-gruaja dhe fëmijët bëhen pronarë. Fadili thotë se në shtëpinë e tij gjeti një qiraxhi. Sipas tij, prokuroria e pushoi çështjen, por gjykata urdhëroi që të bëhen hetime për mënyrën sesi është certifikuar prona.
