Janë publikuar pamjet e rënda të një vrasje të regjistruar mbrëmjen e 31 Tetorit në një lokal në Turqi, ku protagonistë kanë qenë dy “koka” të krimit në qytet.
Hüseyin Mete është vrarë nga armiku i tij në botën e krimit, Ramazan Uçar pasi të dy u ndeshën rastësisht në një lokal. Mete ishte në të njëjtin lokal, duke biseduar me një grua, pa e ditur që pas shpinës së tij kishte kundërshtarin e përbetuar.
Siç duket edhe nga pamjet e mëposhtme, Ramazan Uçar çohet në këmbë dhe qëllon 7 herë me armë zjarri Meten. Ndërsa Mete u rrëzua përtokë i mbuluar me gjak, të gjithë të tjerët që ishin në lokal u larguan me vrap nga vendi i ngjarjes.
Ramazan Uçar, tentoi që të arratisej nga vendi i ngjarjes, por u kap dhe u ndalua nga Policia. Pasi kreu vrasjen ai postoi në rrjetet sociale: Askush nuk duhet të nënvlerësojë askënd. Plumbi është i vogël por të lë pa frymë!
Prej disa kohësh thuhet se mes Ramazan Uçarit dhe Hüseyin Metes ka pasur armiqësi për shkak të trafikut të armëve.
