Analisti Andi Bushati, për dështimin e rezolutës për “stabilizim-asocimin” në takimin e 18-të mes BE dhe Shqipërisë thotë se opozita nuk ka pse voton një gjë kur nuk përfillet.
Ne jemi në një regjim, ku opozita dhe kundërshtarët, trajtohen si lebrozë në një farë mënyre, kështu që pa i ditur detajet konkrete se çfarë propozoi opozita, nuk besoj se ka një prirje për ta përfillur mendimin opozitar në vend.
Opozita të shkojë të bëjë fasadën dhe ngrejë dorën kur nuk përfillet.
Nga studio e lajmeve të MCN TV, Bushati u shpreh spektik nëse i mbyllim dot negociatat deri në vitin 2027.
Ndër të tjera shton se Bashkimin Europian e frikëson shumë që të zgjerohet me vende që më shumë anojnë nga autokracia se sa demokracia.
Jam shumë skeptik, kjo nuk është vetëm për vërejtjet se sa keq jemi ne për zhvillimin demokratik në vend, por kjo lidhet paralelisht me defektet tona, edhe me një lloj skepticizmi për zgjerimin e BE.
Serbia dhe Mali i Zi kanë shumë vite që i kanë hapur negociatat dhe sërish kanë ngelur në vend.
Në këtë pikëpamje kjo lidhet shumë me atë që a është BE i bindur që duhet të zgjerohet.
BE-në e frikëson shumë që të zgjerohet me vende që më shumë anojnë nga autokracia se sa demokracia.
Ndërsa për progres raportin e Komisionit Europian që shënjestronte drejtësinë, deklaroi se edhe inceneratorët dhe “5D” kanë të njëjtën gjenezë me reformën në drejtësi.
Sipas tij, kjo reformë që do i jepte fund pandëshkueshmërisë, ka trimëruar hajdutët.
Nuk është rastësi që reforma në drejtësi i ka trimëruar hajdutët dhe vjedhin hapur.
Se e dinë që drejtësinë e kanë të kapur dhe në duart e tyre, ndaj nuk i hyn gjë në këmbë Edi Ramës dhe Erion Velisë, ndërkohë që të tjerët janë në burg.
Ndërkombëtarët e kanë shumë të vështirë që të thonë që dështuam me reformën në drejtësi.
Megjithëse thonë në Shqipëri se është histori suksesi, në Kosovë dhe Maqedoni thonë se ka pasur probleme.
Në mënyrë të tërthortë edhe BE dhe SHBA e kanë pranuar që kanë dështuar me reformën në drejtësi që kanë krijuar një monstër që në vend të përtërijë elitat, po kalcifikon pushtetin e një njeriu të vetëm.
