Mbështetësit e Kamala Harrisit në zgjedhjet presidenciale në SHBA do të votonin për një luftë globale termonukleare, ka argumentuar Robert F. Kennedy Jr. në videon e tij të fundit të fushatës.
Kennedy, një demokrat për një kohë të gjatë që kandidoi kundër presidentit Joe Biden në zgjedhjet paraprake të partisë, mbështeti kandidatin republikan Donald Trump në gusht. Harris, e cila u nominua pasi demokratët i bënë presion Biden-it që të largohej nga gara, u mbështet kohët e fundit nga ish-zv/presidenti republikan Dick Cheney.
“Një votë sot për Kamala Harrisin është një votë për Dick Cheney-n, i cili gënjeu për të nisur një luftë, në të cilën vdiqën më shumë se një milion njerëz,” tha Kennedy në një videomesazh të enjten.
Cheney, shpjegoi ai, ishte një “neokonservator” gjatë presidencës së Xhorxh W. Bush (2001-2009) dhe “forca lëvizëse” e pushtimit të paprovokuar të SHBA-së në Irak në vitin 2003, që mori jetën e rreth një milion irakianëve dhe rreth 4800 trupave amerikane dhe aleate.
Shtetet e Bashkuara pretenduan se pushtimi ishte një mbrojtje parandaluese kundër armëve irakiane të shkatërrimit në masë (WMD), por “nuk kishte armë të shkatërrimit në masë”, tha Kennedy. “Ishte e gjitha një gënjeshtër neokonservatore.”
Dhe nuk ishte hera e parë që një pjesë e institucioneve amerikane gënjyen për të filluar një luftë, argumentoi RFK Jr. Ai vuri në dukje paralajmërimin e presidentit Dwight D. Eisenhower të vitit 1961 për “kompleksin ushtarako-industrial”që kërkon një konflikt me Bashkimin Sovjetik. Xhaxhai i tij, presidenti John F. Kennedy, kundërshtoi propozimet për të nisur një sulm të befasishëm bërthamor mbi BRSS-në ose për të rrëzuar një aeroplan civil si pretekst për pushtimin e Kubës.
Pas vrasjes së JFK-së, institucioni ushtarak-inteligjent amerikan falsifikoi një sulm në Gjirin e Tonkinit për të justifikuar një luftë në Vietnam, tha ai.
“Jam i shqetësuar se sot jo vetëm që kemi një fraksion të institucioneve tona ushtarake dhe të inteligjencës që dëshirojnë luftë, por ata duan një luftë tani me Rusinë, për Ukrainën”, tha Kennedy.
Duke vënë në dukje se Rusia ka më shumë armë bërthamore se SHBA, dhe në disa raste më të mira, RFK Jr. se SHBA i ishte afruar luftës vetëm disa javë më parë, kur Biden pothuajse i dha leje Ukrainës që të përdorte raketat amerikane për sulme në distanca të gjata në Rusi dhe Moska u përgjigj duke përditësuar doktrinën e saj bërthamore.
Kennedy pohoi se fjalimi i pranimit i Harris në kongresin e partisë në gusht tregoi se ajo do të ishte “një shtytëse e përsosur”dhe një “kukull” për kompleksin ushtarak-industrial që mund të fillonte një luftë për të provuar kredencialet e saj nëse zgjidhej.
Sipas Kennedy-t, një luftë bërthamore do të merrte 5.8 miliardë jetë në më pak se dy orë dhe “ata që mbijetonin do t’i kishin zili të vdekurit”.
Muajin e kaluar, Kennedy shkroi një opinion me Donald Trump Jr, duke mbrojtur negociatat me Rusinë mbi Ukrainën për të shmangur një luftë bërthamore. Ndërsa ai artikull kërkonte veprim nga Shtëpia e Bardhë aktuale, videomesazhi i së enjtes ishte një mesazh fushate që synonte drejtpërdrejt kundër Harrisit.
