Bylis ka arritur të marrë një fitore me goleadë ndaj Teutës, duke iu larguar momenatalisht vendit të fundit në tabelën e renditjes.
Në sfidën e luajtur në stadiumin “Adush Muça” të Ballshit, vendasit triumfuan me rezultatin 4-0, duke shënuar nga dy gola për secilën, pjesë, teksa edhe gjyqtari kryesor Ditmir Grimçi akordoi nga një penallti për secilën fraksion loje në favor të Bylisit.
Që në minutën e ‘3 të takimit, gjyqtari dha 11-metërsh për Bylisin pas ndërhyrjes së Simeus ndaj Malomos, teksa ishte Marin Abazaj, ai i cili nuk gaboi nga pika e bardhë, duke shënuar gol. GOli i dytë do të vinte në minutën e ’22 nga Erich Berko.
Në minutën e ’66 të lojës, Bylis shënoi edhe golin e tretë ku krosimi i Malomos në zonë u shfrytëzua me kokë nga Flamur Ruçi, duke i dhënë kështu një goditje fatale Teutës. Ndërsa goli i katër për Bylisin u shënua nga Mario Gjata me anë të një 11-metërshi.
Këto ishin pikët e para të Nevil Dedes në drejtimin e Bylisit, teksa me këtë fitore ekipi ballshiot shkon në kuotën e 8 pikëve, duke parakaluar në renditje Laçin, që luan me Tiranës këtë fundjavë.
