Barcelona e ka mbyllur në avantazh 3-1 pjesën e parë ndaj Bayern Munich. Spanjollët e nisën vrullshëm takimin duke marrë epërsinë që në minutën e parë të takimit.
57 sekonda pasi gjyqtari vërshëlleu për startin e takimit, Raphinha i shkëputet mbrojtjes dhe pasi shmang dhe Neuerin e çon topi në rrjetë.
Ndërkohë gjermanët reaguan në minutën e 18-të për të vendosur baraspeshën e përkohshme. Aksion i shpejtë i bavarezëve me Gnabri i cili nga e majta harkon për Kane, me anglezin cili këtë herë shmang pozicionin jashtë loje dhe shënon.
Por vendasit do të rimerrnin avantazhin në miuntën e 36-të, teksa Robert Lewandowski ndëshkon ish-skuadrën e tij për shifrat 2-1. Teksa pritej mbyllja e fraksionit të parë Raphinha me golin e dytë personal thellon në 3-1 rezultatin në favor të skuadrës së Flick.
