Presidentja e Komisionit Europian, Ursula von der Leyen do të vizitojë pasditen e nesërme, (e mërkurë, 23 tetor) Tiranën.
Sipas axhendës së publikuar nga Kryeministria, Von der Leyen pritet të mbërrijë në Kryeministri në orën 15:00, ku do të zhvillojë një takim me kryeministrin Edi Rama. Pas takimit, Edi Rama dhe Ursula von der Leyen do të zhvillojnë një konferencë të përbashkët për shtyp.
Ndërsa rreth orës 17:00, Edi Rama dhe Presidentja e KE-së do të marrin pjesë edhe në ceremoninë e hapjes së Kampusit të Kolegjit të Europës. Ky është i pari kampus që hap dyert jashtë një vendi të Bashkimit Europian.
