Ka nisur në Kuvend seanca plenare e cila ishte shtyrë një javë më parë. Kryeparlamentarja Elisa Spiropali ka nisur seancën, ndërsa foltorja është bllokuar nga deputetët opozitarë të cilët e kanë kthyer përmbys dhe e kanë mbuluar me karrige.
Ndërkohë, në ambientet e jashtme të Kuvendit deputetët e opozitës që janë përjashtuar po përplasen me gardistët, teksa e kanë patur të pamundur të futen, pasi vlen të theksohet fakti se socialistët kanë dyfishuar numrin e gardistëve nga hera e fundit, si dhe kanë rrethuar godinën me kangjella.
Në seancën e sotme plenare është programuar që të zhvillohet interpelancë me ministren e Turizmit dhe Mjedisit, Mirela Kumbaron, e kërkuar nga deputeti Agron Shehaj, si dhe raportimi i raportit vjetor të Kontrollit të Lartë të Shtetit.
Po ashtu, mazhoranca pritet të miratojë edhe ndryshimet në ligjin “Për shërbimin veterinar” dhe Për lejet e mjedisit”.
