Trajneri i Kombëtares, Silvinjo, ka folur për mediat pas fitores në transfertë 0-1 ndaj Gjeorgjisë. Trajneri u shpreh se skuadra zbatoi detyrat dhe meritoi plotësisht 3 pikët pavarësisht se ndeshja mund të ndryshonte pasi ishte e paparashikueshme.
Silvinjo foli për vështirësitë e ndeshjeve si dhe “dhimbjen e kokës” për emrat që ka në dispozicion, teksa kërkon t’i mbajë të tijtë me “këmbë në tokë”. Tekniku brazilian iu rikthye edhe sfidës të humbur ndaj Çekisë teksa ia atriboje rezultatin negativ forcës së kundërshtarit.
“Në krahasim me Çekinë ka ndryshuar rezultati dhe ndeshja, çdo ndeshje është ndryshe. Nuk bëmë mirë atje, është e drejtë, nuk arritëm të barazonim me rastin e Asanit, e meritonim apo jo është çështje tjetër.
Këtu bëmë një ndeshje të rëndësishme të mirë, ata janë të fortë, ua thashë trajnerit të tyre, edhe ai tha të njëjtën gjë, që po bëjmë një punë të mirë. Sot djemtë kishin diçka brenda që “ne jemi Shqipëria”, Këto duhet të dinë që kush është Shqipëria, unë i di që tani i njohin lojtarët tanë kush është Ajeti, Seferi, Muçi dhe ky është një nder për ne.
Trishtohem pak kur humb ndeshje dhe thua që sulmi nuk vlen. Ne jemi një ekip në rritje, kemi bërë Europianin para 6 muajsh, mes nesh ka një raport të shkëlqyer, por që nis te federata, stafi, lojtarët. Kur humbet ka kritike dhe duhet pranuar. Dikush më tha a duhet ndryshuar, dhe ndryshuam. Tuci, Bajrami, Asani, Balliu, Ajeti bënë shumë mirë. Për mua është nder i madh, jam dakord, Shqipëria është ekip i fortë.
Do të festojmë festat e nëntorit, por me këmbë në tokë. Ky është një grup i vështirë, tre kundërshtarë shumë të vështirë. Të gjithë skuadra Europiani, nuk ka amatorë, lojtarë Europiani, lojtarë të nivelit më të lartë, si tanët. Por do të festojmë shumë në Shqipëri padyshim, por me këmbë në tokë, unë punoj që sot, me këmbë në tokë. Duhet të festojmë sot, por që nesër do të punojmë që në nëntor. Një mesazh për të gjithë: me këmbë në tokë. Këtu mund të ndodhë gjithçka, çdokush mund të mposhtë këdo në shtëpi apo jashtë.
Nëse kthehemi te Çekia, ata e kanë shkatërruar Poloninë në kualifikuese, kjo është skuadër e mësuar, janë të mësuar që në shtëpi ecin me 100 në orë në fillim dhe jam dakord që nuk e menaxhuam mirë ndeshjen. Fola me lojtarët dhe në të ardhmen kanë kuptuar si duhet të bëjnë. Sot, Gjeorgjia është një ekip teknik, me lojtarë me këmbë të mira, por është një ritëm tjetër loje. Por jam dakord që në 15 minutat e parë edhe me sjelljen kemi bërë gjithçka shumë më mirë.
Gjeorgjia kishte studiuar mirë, ai bëri një ndryshim, nuk e kisha parë kurrë. I bëra komplimente Sanjol dhe ai na bëri ne. Ai ka humbur një lojtar të skualifikuar dhe ndryshuan skemë taktike. Por ata na kanë studiuar, na njohin mirë, është nder për ne të konkurrojmë me Ukrainën e Çekinë, janë ekipe që kanë bërë historinë. Kjo është e bukura e futbollit, kjo është teknikë, taktikë, pozicion, është një ndeshje e bukur për të gjitha.
Dhimbje kokë për qendrën e mbrojtjes? Po, kam dhimbje koke dhe kjo është ajo që dua, të kem dhimbje koke, më çmend. Edhe Tuci ka bërë gjithashtu një ndeshje të bukur.
E kanë merituar të fitojnë këtë ndeshje, ne kemi bërë një punë të mirë, e gjithë federata, një staf me shumë punë pas kësaj. Të gjithë e kemi merituar të bëjmë 6 pikë dhe të ecim para. Jemi ende të gjallë, i thashë djemve që kjo është një fitore që duhet ta shijojnë shumë”, tha Silvinjo për ”SuperSport” pas ndeshjes.
