Tre persona janë arrestuar nga policia në Tiranë, pasi kanë ushtruar dhunë ndaj bashkëshorteve të tyre. Ndërsa në një rast, shtetasi J. T., ka dhunuar edhe vajzën e mitur.
“Specialistët për Hetimin e Krimeve në Komisariatin e Policisë Nr. 1 arrestuan shtetasin J. T., banues në Tiranë, pasi dyshohet se ka ushtruar dhunë ndaj bashkëshortes së tij dhe vajzës së tyre të mitur.
Specialistët për Hetimin e Krimeve në Komisariatin e Policisë Nr. 2 arrestuan shtetasin A. D., banues në Tiranë, pasi dyshohet se ka ushtruar dhunë ndaj bashkëshortes së tij.
– E. H., banues në Tiranë, pasi dyshohet se ka ushtruar dhunë ndaj bashkëshortes së tij;”, njofton policia.
Po ashtu në pranga e bluve të kryeqytetit, ka rënë edhe një 34-vjeçar, të cilit gjatë kontrollit nga policia, iu gjet një sasi lënde të dyshuar narkotike kokainë e cila u sekuestrua në cilësinë e provës materiale.
“Specialistët e Sektorit për Hetimin e Narkotikëve arrestuan shtetasin A. D., 34 vjeç, banues në Tiranë, pasi shërbimet e Policisë i gjetën gjatë kontrollit fizik sasi lënde të dyshuar narkotike kokainë e cila u sekuestrua në cilësinë e provës materiale”, deklaron policia.
Gjithashtu u arrestua edhe një 23-vjeçare, e cila duke drejtuar mjetin tip “Ford Fiesta”, është përplasur me biçiklistin, shtetasin H. B., 64 vjeç, banues në Tiranë. Si pasojë 64-vjeçari është dëmtuar dhe ndodhet në spital, në kujdesin e mjekëve.
“Specialistët e Komisariatit të Policisë Rrugore Tiranë arrestuan shtetasen D. U., 23 vjeçe, banuese në Tiranë, pasi në kryqëzimin e rrugës “Njazi Meka” me rrugën “Sul Gjashta”, duke drejtuar mjetin tip “Ford Fiesta”, është përplasur me biçiklistin, shtetasin H. B., 64 vjeç, banues në Tiranë. Si pasojë 64-vjeçari është dëmtuar dhe ndodhet në spital, në kujdesin e mjekëve”, thuhet në njoftim.
Materialet i kaluan Prokurorisë
